Yosh sportchilar va ularning murabbiylari uchun mukofotlash marosimi bo'lib o'tdi.

O'zbekiston Respublikasi Prezidenti tomonidan 2023 yil 7 aprel kuni №114 "Yoshlar siyosati va sport sohasida davlat boshqaruvini samarali tashkil etish chora-tadbirlari to'g'risida" qabul qilingan qarorga muvofiq, har yili jahon chempionatlarida o'z vazifalarini bajarib, mukofotli o'rinlarni egallagan sportchilarga va ularning murabbiylariga bir martalik pul mukofotlari taqdim etiladi. Bugun poytaxtdagi "Olimpiya va paralimpiya shon-shuhrati" muzeyida, bu yil jahon chempionatlarida mamlakat sharafini munosib himoya qilgan yosh sportchilarimiz va ularning murabbiylari taqdirlandi.

Tadbirda O'zbekiston Respublikasi Sport vazirining o'rinbosari Shahrullo Mahmudov, Milliy Olimpiya qo'mitasi Bosh kotibi O'ybek Qosimov, Sport faxriylari kengashi raisi Bahodir Mahsitov, yosh sportchilar va ularning murabbiylari ishtirok etdilar. Taqdirlash marosimining boshida rasmiylar, o'zbek sportining kelajagi bo'lgan sportchilarni tabriklab, ularga kattalar jahon chempionatlarida va Olimpiya o'yinlarida shunday muvaffaqiyatlar qozonishni tiladilar.

Shundan so'ng, jahon chempionatlarida shonli o'rinlarni egallagan 45 nafar yosh sportchiga va ularning murabbiylariga pul mukofoti sertifikatlari topshirildi. Prezident qaroriga ko'ra, oltin, kumush va bronza medali egalariga mos ravishda 3500, 1750 va 875 AQSh dollari berildi, ularni tayyorlagan murabbiylarga esa 2000, 1000 va 500 AQSh dollari taqdim etildi.