Fuqarolar huquqlari va erkinliklarini himoya qilishni kuchaytirishga qaratilgan qonunlar muhokama qilindi.

Yig'ilishda senatorlar, mahalliy Kengashlarning doimiy komissiyalari raislari, Yoshlar parlamenti a'zolari, Qo'mita huzuridagi ekspert guruhi a'zolari, qonunlar tashabbuskorlari, tegishli vazirliklar va idoralar vakillari, shuningdek, ommaviy axborot vositalari ishtirok etdilar.

Muhoqama qilingan qonun "O'zbekiston Respublikasi qonunlariga kiritilayotgan o'zgartirishlar va qo'shimchalar, shaxsning huquqlari va erkinliklarini ishonchli himoya qilish kafolatlarini yanada kuchaytirishga qaratilgan" deb nomlangan.

Sud-tergov amaliyotida keng ko'lamli islohotlar natijasida inson huquqlari va erkinliklarini himoya qilish kafolatlarini ta'minlashga qaratilgan samarali mexanizmlar ishlab chiqildi.

Xususan, ushbu qonun bilan jinoyat sodir etishda ayblangan shaxsning konstitutsiyaviy huquqlarini ishonchli ta'minlash maqsadida, tuman va shahar sudlarida jinoyat ishlarida tergov sudyosi lavozimi joriy etildi.

Qonunchilikda jinoyat ishlaridagi dastlabki tergov bosqichida protsessual qarorlarni tasdiqlash masalalari va ma'muriy huquq buzilishlari bo'yicha ishlarni tergov sudyalari tomonidan ko'rib chiqish tartibini belgilovchi o'zgartirishlar kiritilmoqda.

Muhoqama davomida senatorlar qonun qabul qilinishi tergov faoliyatida shaxsning huquqlari va erkinliklarini ishonchli himoya qilish kafolatlarini yanada kuchaytirishga yordam berishini ta'kidladilar.

Yig'ilishda "Iqtisodiy jinoyatlarga qarshi kurash tizimini takomillashtirish maqsadida O'zbekiston Respublikasi qonunlariga o'zgartirishlar va qo'shimchalar kiritish" to'g'risidagi qonun ham ko'rib chiqildi.

Ta'kidlanganidek, Iqtisodiy jinoyatlarga qarshi kurash bo'yicha Bosh prokuratura huzuridagi departamentga byudjet qonunchiligini buzilishining oldini olish, vaqtida aniqlash, to'liq va ob'ektiv surishtiruv o'tkazish bo'yicha qo'shimcha vazifalar yuklatilgan.

Shuningdek, muhokama qilingan qonun bilan Jinoyat-protsessual kodeksiga va "Korrupsiyaga qarshi kurash" qonuniga o'zgartirishlar kiritilib, jinoyat ishlarida tergov olib borish bo'yicha Departamentning vakolatlari aniqlanadi.

Qonunga muvofiq, Ma'muriy javobgarlik kodeksiga va Byudjet kodeksiga o'zgartirishlar kiritilib, Iqtisodiy jinoyatlarga qarshi kurash bo'yicha Departament huzuridagi Davlat moliyaviy nazorati inspektsiyasiga davlat moliyaviy nazorati organlarining vakolatlari yuklatiladi.

Muhoqama davomida senatorlar qonun qonuniylikni ta'minlash, qonun normalarini aniq va bir xil qo'llash, shuningdek, sud-huquq sohasida amalga oshirilayotgan islohotlarni huquqiy ta'minlash uchun xizmat qilishini ta'kidladi.

Yig'ilish natijasida qo'mitaning tegishli qarorlari qabul qilindi.